വിക്രം സിനിമയുടെ പ്രൊമോഷന്റെ ഭാഗമായി കമല്‍ഹാസന്‍ നാളെ കൊച്ചിയില്‍ എത്തും. വൈകിട്ട് 4.30ന് ലുലുമാളിലാണ് പരിപാടി. കമലിനെ കേരളത്തിലേക്ക് വരവേറ്റ് ചിത്രത്തിലെ അഭിനേതാവ് കൂടിയായ ഫഹദ് ഫാസിലും ചടങ്ങില്‍ പങ്കെടുക്കും. സംവിധായകന്‍ ലോകേഷ് കനകരാജ്, മറ്റു താരങ്ങള്‍, അണിയറ പ്രവര്‍ത്തകര്‍ തുടങ്ങിയവര്‍ ചടങ്ങില്‍ പങ്കെടുക്കും.
വിജയ് സേതുപതി, നരേന്‍, ചെമ്പൻ വിനോദ് ജോസ്, കാളിദാസ് ജയറാം എന്നിവരാണ് ചിത്രത്തിലെ പ്രധാന താരങ്ങള്‍. രണ്ടേമുക്കാല്‍ കോടിയിലധികം കാഴ്ചക്കാരെയാണ് ചിത്രത്തിന്റെ ട്രെയിലറിന് ലഭിച്ചത്. ഷിബു തമീന്‍സിന്റെ നേതൃത്വത്തില്‍ റിയ ഷിബുവിന്റെ എച്ച്‌.ആര്‍. പിക്ചേഴ്സാണ് വിക്രം കേരളത്തില്‍ വിതരണം ചെയ്യുന്നത്. പി.ആര്‍. ഒ പ്രതീഷ് ശേഖര്‍.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
